12 мая – Дзень дзяржаўнага сцяга, Дзяржаўнага герба і Дзяржаўнага гімна Рэспублікі Беларусь.

Штогод у другую нядзелю мая адзначаецца Дзень Дзяржаўных сімвалаў  Беларусі. У Публічным цэнтры прававой інфармацыі Глыбоцкай цэнтральнай раённай бібліятэкі з гэтае нагоды аформлена кніжная выстаўка “Сімволіка, народжаная гісторыяй”, прысвечаная гэтай даце. Літаратура, прадстаўленая на выставе, расказвае, што такое дзяржаўныя сімвалы, іх гістарычныя вехі, чаму яны важныя для кожнай дзяржавы.

 Напярэдадні святочнай даты загадчык аддзела абслугоўвання і інфармацыі Глыбоцкай цэнтральнай раённай бібліятэкі Тамара Вырвіч для навучэнцаў Глыбоцкага дзяржаўнага каледжа падрыхтавала і правяла сугучны аформленай выставе гістарычны калейдаскоп.

Тамара Антонаўна пазнаёміла юнакоў і дзяўчат з гісторыяй герба, флага і гімна нашай Радзімы, з гісторыяй станаўлення і развіцця дзяржаўных сімвалаў Рэспублікі Беларусь, патлумачыла, у якіх выпадках узнімаецца сцяг Беларусі, што намалявана на гербе. З дапамогай відэапрэзентацыі паказала, як гучыць гімн і як сябе паводзіць пры яго выкананні.

Напрыканцы ўдзельнікі мерапрыемства паразважалі пра ролю і значэнне сімволікі ў жыцці кожнага чалавека і краіны ў цэлым.

Аддзел абслугоўвання і інфармацыі Глыбоцкай ЦРБ.