Глыбоцкая цэнтральнай раённая бібліятэка прапанавала гараджанам выставу “Быў Дзень, быў Год, была Эпоха”

Кніжная выстава “Быў дзень, быў год, была эпоха” была разгорнута ў фае… Глыбоцкага гарадскога дома культуры 4 лістапада 2022 года.  Падрыхтаваў яе аддзел абслугоўвання і інфармацыі Глыбоцкай цэнтральнай раённай бібліятэкі.

Экспазіцыю бібліятэкары прымеркавалі  да 105-годдзя з дня Кастрычніцкай рэвалюцыі, святочныя мерапрыемствы у гонар якой прайшлі якраз у Глыбоцкім ГДК.

На кніжных палічках – мастацкія выданні, навукова-публіцыстычная літаратура, кнігі-мемуары, у якіх адлюстраваны розныя аспекты паваротнай падзеі. 7 лістапада (25 кастрычніка па старым стылі) 1917 года, 105 гадоў таму пачалася Вялікая Кастрычніцкая сацыялістычная рэвалюцыя, якая стала пераломным момантам не толькі расійскай, але і сусветнай гісторыі.

Прадстаўленая на выставе літаратура расказвае пра перадумовы рэвалюцыі і падзеі, якія ёй папярэднічалі,  пра важнейшых палітычных дзеячаў таго часу. Асобная палічка адведзена мастацкім выданням – рэвалюцыйная тэматыка ў літаратурных творах савецкай эпохі займала ці не самае галоўнае месца.

Адметна, што бібліятэчнай тэматычнай выставай цікавіліся глыбачане рознага ўзросту: ад 15+ да 80+. Цікава ж, пагартаўшы пажоўклыя старонкі, вярнуцца на 100 гадоў назад, хаця б на некалькі хвілінак.

Аддзел абслугоўвання і інфармацыі Глыбоцкай цэнтральнай раённай бібліятэкі.