Удзельнікі студыі паэтычнай творчасці “Сустрэчы для душы” Глыбоцкай  раённай бібліятэкі і яе кіраўнік Жанна Юркевіч наведалі Глыбоцкі РАНС

25 ліпеня адзначаецца Дзень пажарнай аховы Беларусі.
Напярэдадні гэтага свята ўдзельнікі студыі паэтычнай творчасці “Сустрэчы для душы” Глыбоцкай  раённай бібліятэкі і яе кіраўнік Жанна Юркевіч наведалі Глыбоцкі РАНС з літаратурна-музычнай імпрэзай  “Для вас нашы вершы і песні”.
Напачатку сустрэчы інспектар сектара прапаганды і ўзаемадзеяння з грамадскасцю Зайкоўская Дар’я правяла цікавую экскурсію па адрамантаванаму будынку пажарнай часткі. Удзельнікі студыі даведаліся аб працы пажарных, пра іх  адпачынак, заняткі спортам. Затым пажарныя паказалі, як за некалькі  хвілін, у выпадку надзвычайнай  сітуацыі, спраўляюцца надзець ахоўны касцюм і выехаць на пажар.

 Алег Салодкі, намеснік начальніка Глыбоцкага РАНС, правёў гутарку на тэму “Прадухіленне няшчасных выпадкаў”.

      Бібліятэкар Глінская  Іна падрыхтавала невялікі агляд літаратуры “Каб жыццё было бяспечным” і раздала ўдзельнікам студыі паэтычнай творчасці лістоўкі пра правілы пажарнай бяспекі. Затым  для супрацоўнікаў РАНС у выкананні ўдзельнікаў студыі прагучалі вершы, байкі, песні. А усёй душы жанчыны павіншавалі супрацоўнікаў РАНС , пажадалі здароўя і спакойнай службы.