Так называлася акцыя, якая была праведзена на абанеменце Глыбоцкай цэнтральнай раённай бібліятэкі напярэдадні Міжнароднага дня энергазберажэння.

Глыбоцкім чытачам бібліятэкары ўручылі тэматычныя закладкі з парадамі, як берагчы электраэнергію і не толькі...

Міжнародны дзень энергазберажэння адзначаецца ў Беларусі і шэрагу іншых краін 11 лістапада кожнага года. Сёлета Рэспубліка Беларусь адзначае Міжнародны дзень энергазберажэння ў шаснаццаты раз. 

Гэты дзень быў ініцыяваны Школьнай праграмай SPARE. Адукацыйная праграма, арыентаваная на энергаэфектыўнасць і навакольнае асяроддзе для школьнікаў ва ўзросце ад 7 да 18 гадоў, была распрацаваная Нарвежскім таварыствам аховы прыроды ў 1996 годзе.

Міжнародны дзень энергазберажэння заклікае павысіць дасведчанасць аб важнасці энергазберажэння і дапамагчы людзям знайсці спосабы вырашэння экалагічных, эканамічных і сацыяльных праблем, звязаных са спажываннем энергіі. Мерапрыемствы Міжнароднага дня энергазберажэння сканцэнтраваны на энергазберажэнні і экалагічнай эфектыўнасці.

Галоўнае ж для нас -- ведаць і па магчымасці прымяняць меры па эканоміі электраэнергіі ў побыце, ведаць пра асаблівасці энергаспажывання розных бытавых электрапрыбораў. Да прыкладу, выкарыстанне энергазберагальных святлодыёдных лямпаў ці ачыстка пылазборніка пыласоса адразу пасля ўборкі не толькі зберажэ электраэнергію, але і паменшыць вашы выплаты на аплату паслуг :-))) 

Хайноўская А., бібліятэкар Глыбоцкай ЦРБ