Заснавальнік гебраізма, адрадзіў іўрыт у якасці сучаснай паўсядзённай мовы.
Эліэзер Бен-Іегуда (сапраўднае імя Эліэзер Перэльман) нарадзіўся 7 студзеня 1858 года ў сям'і Іегуды і Фейгі Перэльман у мястэчку Лужкі Віленскай губерні (цяпер Шаркаўшчынскі раён Віцебскай вобласці). Бацька хлопчыка памёр, калі Эліэзеру было ўсяго пяць гадоў.
У 13-гадовым узросце яго адправілі вучыцца ў ешыву (вышэйшая рэлігійная навучальная ўстанова ў яўрэяў) у Полацк. Кіраўнік ешывы, таемны прыхільнік свецкай адукацыі, пазнаёміў Перэльмана з творамі свецкай літаратуры на іўрыце. Аднак у хуткім часе дзядзька Эліэзера забраў яго з Полацка і адправіў вучыцца ў Глыбокае, дзе юнак пазнаёміўся з мясцовым грамадскім і рэлігійным дзеячам Шмуэлем Ёнасам.
Ёнас упэўніў Бен-Іегуду ў неабходнасці атрымаць свецкую адукацыю. Дачка Ёнаса Двойра навучыла Перэльмана рускай мове, і, пасля гадавой падрыхтоўкі да ўступных іспытаў, ён паступіў у рэальнае вучылішча Двінска, якое скончыў у 1877 г.
Барацьба балканскіх народаў за вызваленне ад Турцыі і звязаная з гэтым руска-турэцкая вайна 1877 – 1878 гг. нарадзілі ў Эліэзера Перэльмана ідэю магчымасці адраджэння яўрэйскага народа на яго гістарычнай радзіме. Ён вырашыў пасяліцца ў Палестыне і ў 1878 г. адправіўся ў Парыж вывучаць медыцыну, каб набыць прафесію.
Праз год у Парыжы Перэльман апублікаваў у газеце "ха-Шахар" артыкул "Пякучае пытанне", у якім упершыню сфармуляваў ідэю стварэння ў Палестыне духоўнага цэнтра для ўсяго яўрэйскага народа. А найважнейшым элементам адраджэння этнасу ён лічыў адраджэнне іўрыту ў якасці мовы паўсядзённых зносін. Артыкул быў падпісаны псеўданімам Бен-Іегуда, які з гэтага моманту становіцца новым імем Эліэзера Перэльмана.
У Парыжы 20-летні юнак захварэў на сухоты. Вучобу прыйшлося перапыніць, і ён прыняў рашэнне паскорыць свой пераезд у Палестыну. З гэтай мэтай малады чалавек пакінуў вывучэнне медыцыны і паступіў у настаўніцкую семінарыю.
У 1881 годзе Бен-Іегуда пераехаў у Іерусалім. Яго дом стаў першым у горадзе, дзе гаварылі толькі на іўрыце.
Пасля зацвярджэння брытанскага мандата над Палестынай Бен-Іегуда разам з Аўраамам Усышкіным здолеў упэўніць брытанскага вярхоўнага камісара Сэмюэла абвясціць іўрыт адным з трох афіцыйных моў краіны, нараўне з англійскай і арабскай.
Бен-Іегуда распрацаваў таксама школьную праграму для навучання на іўрыце. Усё жыццё ён працаваў над пашырэннем слоўнікавага запасу мовы, уводзячы ў яго (у адпаведнасці са структурай і логікай іўрыту) новыя словы. Шмат у чым распаўсюджванню ідэй Бен-Іегуды спрыяла газета, якую ён выдаваў з 1884г. на іўрыце. Стварыў 17-томны "Поўны слоўнік старажытнаяўрэйскай мовы і сучаснага іўрыту" і заснаваў Акадэмію мовы іўрыт, якая сёння займаецца ўдасканаленнем мовы.
Памёр Эліэзер Бен-Іегуда 16 снежня 1922 года ў Іерусаліме.
У дзень нараджэння Эліэзера Бен-Іегуды адзначаецца Нацыянальны дзень мовы іўрыт. Амаль у кожным горадзе Ізраіля маецца вуліца імя Бен-Іегуды. УІерусаліме ў яго гонар названы бульвар. Иерусалиме его именем назван бульвар. ,
У 2012 годзе ў Глыбокім устаноўлены бюст Эліэзера Бен-Іегуды, аўтар -- скульптар Магучы В.В. член Беларускага саюза мастакоў.
