2022 год у Беларусі аб’яўлены Годам гістарычнай памяці. З нагоды гэтай падзеі ў Глыбоцкай дзіцячай бібліятэцы падрыхтавана выстава “Вехи памяти и славы”. Эпіграфам для гэтай выставы сталі словы  прэзідэнта А. Р. Лукашэнкі “…без уважения к прошлому, без традиций нет будущего, нет государства, нет народа…”

Выстава пачынаецца з раздзела “Символы моей Беларуси”.  Тут прадстаўлены кнігі, якія  нясуць інфармацыю пра асноўныя сімвалы нашай краіны -  герб, сцяг, гімн. Тут знаходзіцца і асноўны закон нашай дзяржавы – Канстытуцыя, аб зменах і дапаўненнях да якой мы будзем галасаваць на рэферэндуме 27 лютага.

Наступная паліца “Беларусь – перекресток истории”. Кнігі гэтага раздзела  расказваюць чытачам  пра многія  войны  і  падзеі, якія адбываліся на  працягу дзесяці стагоддзяў на тэрыторыі нашай зямлі, адкрываюць яшчэ малавывучаныя старонкі гісторыі Беларусі.

Тэме Вялікай Айчыннай вайны прысвечаны раздзел  “Память без срока давности”. Здавалася, што мы ўжо многае ведаем пра гэту вайну, яе герояў. Але з кожным годам адкрываюцца новыя факты  генацыду беларускага народа і зверстваў фашыстаў на нашай зямлі. Ведаць і помніць аб гэтым – святы абавязак кожнага беларуса.

Завяршае выставу раздзел  “Имена в контексте эпох”. Мы ведаем многія імёны знакамітых беларусаў, якія праславілі нашу  Радзіму ва ўсім свеце. Але колькі імёнаў яшчэ знаходзяцца ў забыцці. Кнігі, змешчаныя на гэтай паліцы , адкрываюць для юных чытачоў  новыя імёны: Давыд Гарадзенскі, Астрожскі Канстанцін, Сяргей Прытыцкі, Мікалай Судзілоўскі, Дзмітрый Павлуцкі, Аляксандр Дунін-Горкавіч і інш.  

 Выстава будзе дзейнічаць на працягу года.

                                                                                                                             Бібліятэкар Трапук М.Г.