На грамадскае абмеркаванне вынесены праект Закона Рэспублікі Беларусь «Аб змяненні законаў па пытаннях культуры».
Праектам прадугледжана карэкціроўка Кодэкса аб культуры, Падатковага кодэкса і іншых законаў у мэтах забеспячэння іх узгодненасці ў частцы, якая тычыцца пытанняў сферы культуры.
Распрацоўка праекта выклікана неабходнасцю:
- удасканальвання парадку рэгулявання грамадскіх адносін, звязаных з:
- дзейнасцю калектываў мастацкай творчасці, творчых саюзаў;
- увозам і вывазам культурных каштоўнасцей;
- аховай гісторыка-культурнай спадчыны, бібліятэчнай і музейнай справамі;
- народнымі мастацкімі рамёствамі, кінематаграфічнай дзейнасцю;
- арганізацыяй і правядзеннем культурных мерапрыемстваў;
- дзейнасцю прафесійных і непрафесійных (аматарскіх) і аутэнтычных фальклорных калектываў мастацкай творчасці;
- дзейнасцю клубных фарміраванняў;
- унясення іншых змяненняў, звязаных з практыкай прымянення Кодэкса Рэспублікі Беларусь аб культуры.
Арганізатар грамадскага абмеркавання – Міністэрства культуры Рэспублікі Беларусь.
Свае меркаванні і прапановы можна выказаць у спецыяльнай тэме на Прававым форуме Беларусі або накіраваць арганізатару грамадскага абмеркавання з 1 па 10 кастрычніка 2021 г. уключна на электронны адрас: Гэты адрас электроннай пошты абаронены ад спам-ботаў. У вас павінен быць уключаны JavaScript для прагляду..
