Патрыятызм выхоўваецца з дзяцінства. Менавіта ў гэтым узросце фарміруецца сяброўства і калектывізм, павага да родных і суседзяў,  адказнасць за сваю сям’ю, краіну і іх будучыню.

         Пра гэта вялі гаворку работнікі Карабоўскай сельскай бібліятэкі-клуба з вучнямі 4-7 класаў на патрыятычным уроку “Разам мы – адна краіна” 17 верасня. У ходзе ўрока дзеці абмеркавалі падзеі, якія сталі гістарычнай асновай свята, яго значэнне для сучаснай Беларусі, важнасць адзінства беларускага народа для захавання незалежнасці і суверэнітэту дзяржавы. Ад падзей мінулага паступова перайшлі да дасягненняў сучаснасці.
         Пад час мерапрыемства  ўдзельнікі аматарскага аб’яднання “Акварэль” чыталі вершы пра нашу сінявокую Беларусь.  А ў завяршэнне ўрока кожны навучэнец падзяліўся сваім меркаваннем, што ён лічыць сімвалам нашай краіны.

        Але мала разважаць аб патрыятызме. Любоў да Радзімы і сваёй зямлі павінна праяўляцца ў справах. І  ўжо праз два тыдні, у пачатку кастрычніка, вучні Карабоўскай школы і бібліятэкары традыцыйна правялі дабрачынную акцыю "Возраст жизни не помеха" для жыхароў аграгарадка Карабы-2.

        Актыўныя чытачы бібліятэкі і ўдзельнікі аматарскага аб’яднання “Акварэль” павіншавалі землякоў сталага ўзросту цёплымі словамі і пажаданнямі моцнага здароўя, міру, дабрабыту і даўгалецця, аптымізму і чуласці родных і блізкіх. Уручылі ім невялікія, але прыемныя падаруначкі.
      Усе аднавяскоўцы атрымалі масу станоўчых эмоцый, адпачылі душой, забыўшыся аб праблемах, бо лепшы падарунак для пажылога чалавека, гэта ўвага і добры настрой!

Заг. Карабоўскай сельскай бібліятэкі-клуб Спалівіс Л.Ф