Пад такой назвай у Празароках прайшло свята, прысвечанае 165-годдзю з дня нараджэння Ігната Буйніцкага, заснавальніка прафесійнага беларускага тэатра.

Мясцовыя жыхары і госці з раёна ўшанавалі памяць славутага земляка. На магіле Ігната Буйніцкага адбыўся ўрачысты мітынг, а Празароцкі дом культуры гасцінна расчыніў дзверы для гасцёй. Тут дзейнічалі цікавыя выставы Глыбоцкага гісторыка-этнаграфічнага музею “Музычныя інструменты” і “Цуд мастацкіх вырабаў” Глыбоцкага Дома рамёстваў.

Артысты Глыбоцкага раёна арганізавалі святочны канцэрт. 

  Бібліятэкар Празароцкай сельскай бібліятэкі пры падтрымцы Празароцкага СДК, аформіла пляцоўку-фотазону “Ігнат Буйніцкі – бацька беларускага тэатра”.

 У Празароцкай бібліятэцы была абноўлена выстава “Бацька беларускага тэатра: да 165-годдзя з дня нараджэння Ігната Буйніцкага”.

На ёй змешчаны матэрыялы аб тэатральнай дзейнасці Першай беларускай трупы Ігната Буйніцкага і фота ўдзельнікаў трупы. Асобны раздзел выставы прысвечаны ўшанаванню памяці славутага земляка. А гэта раздрукоўкі артыкулаў з перыядычных выданняў мінулых гадоў аб святкаванні юбілеяў Ігната Буйніцкага ў Празароках. Інфармацыя аб адкрыцці помніка І.Буйніцкаму ў в. Празарокі ў 1975 годзе.
Выставу папоўнілі рэпрадукцыі мастацкіх твораў і нумізматычных манет па тэме. На ёй прадстаўлены 9 энцыклапедычных выданняў, у якіх змешчаны персанальныя артыкулы “Буйніцкі Ігнат Цярэнцьевіч”.

 Сёлетняе святкаванне юбілею Ігната Буйніцкага і шчырая памяць аб ім падцвярджаецца радкамі Віталя Гарановіча:
“Духоўным бацькам называў народ,
 Тэатра бацькам стаў сваёй Айчыне.
 Гады сукае веку калаўрот
 Ды памяць не губляецца аб сыне”.

Бібліятэкар Валянціна Бурэнь