У апошнія дні ліпеня ў Ломашаўскай сельскай бібліятэцы дзеці прынялі ўдзел у эка-гульні “Загадки на лугу на каждом шагу”.

У ходзе мерапрыемства бібліятэкар паведаміла ім, што сабой уяўляе луг, на якім можна сустрэць мноства цікавых раслін і казурак — матылёў, пчол, восаў, мурашак, стракоз, жукоў, конікаў і іншых казявак. 

З азартам і ціквасцю дзеці прынялі ўдзел у гульнях і віктарынах пра луг, яго флору і фауну, конкурсе “Размалюй кветкі”.

Падводзячы вынікі, бібліятэкар падкрэсліла важнасць беражлівых адносін да прыроды і ўмення бачыць яе прыгажосць, узгадала пісьменнікаў-натуралістаў, якія пісалі пра луг і яго насельнікаў - Мікалая Сладкова, Міхаіла Прышвіна, Віталія Біянкі.

Завяршылася мерапрыемства праглядам мультфільмаў.

Пайду я ў сонечнае лета…

Пайду я ў сонечнае лета,
Нап'юся хмельнага настою, –
Настою сонца з цёплым ветрам,
З травой духмянай лугавою.

Пайду, паслухаю далёкі
Званок срабрысты жаўруковы,
I шэпт сухі ў зеніце спёкі,
I спеў лагодны раўчуковы.

Убачу вочы ў бліскавіцах,
У залатых іскрынках смеху.
Між верб, расплеценых і ніцых,
Знайду рассыпанае рэха.

…Іду я ў сонечнае лета, –
К стагам пад хусткай снегавою,
К стагам, прапахлым цёплым ветрам,
Расой крамянай лугавою.

Леанід Якубовіч