Міжнародны дзень дзіцячай кнігі Празароцкая сельская бібліятэка адзначала з самымі юнымі сваімі наведвальнікамі – выхаванцамі мясцовага дзіцячага садка.

Бібліятэкар запрасіла дзетак у кніжнае падарожжа “Дайце мне такую кніжку, каб чыталася сама”. 

Яна распавяла дзецям пра “Кніжкіны імяніны”, дзеля чаго адбываецца такое свята і як яго святкуюць у свеце.
Зразумела, што дзеткі яшчэ не ўмеюць самі чытаць, таму для іх адбылося гучнае чытанне захапляльнай аўтарскай казкі беларускай пісьменніцы Алены Масла “Мяне завуць Лахнэска”. А потым малышы разважалі і абмяркоўвалі пачутае.

Бібліятэкар пазнаёміла наведвальнікаў з часопісам для самых юных чытачоў — “Маленькие академики”. На яго старонках шмат малюнкаў, лабірынтаў, размалёвак, якія можна разглядаць, разважаць над імі, шукаць выхады і рашэнні. А кампаніяй гэта цікава і карысна!

Напярэдадні Свята Вялікадня ўдзельнікі падарожжа прагледзелі “Мультик от Капельки. Что такое Пасха” і атрымалі ў падарунак размалёўкі Велікоднай тэматыкі.

Бібліятэкар                                          Валянціна Бурэнь

02.04.2026 г.