26 ліпеня бібліятэкар Ломашаўскай сельскай бібліятэкі сумесна з работнікамі Ломашаўскага цэнтра  культуры і сельскага  савета прыняла ўдзел у  правядзенні  свята вёскі Булахі.

 На выставе  “Мілыя вобразы роднага краю” былі прадстаўлены тэматычныя папкі пра гісторыю гаспадаркі “Ад саўгаса імя Ціміразева да Ломашы-Агра”, Ломашаўскага  сельскага савета. Удзельнікі свята знаёміліся з прадстаўленамі матэрыаламі, з цікавасцю  разглядалі папкі.  Вялася  цікавая гутарка  пра былую  веліч саўгаса, пра мінулыя  гады маладосці. А мноства фотаздымкаў былі сведкамі тых мінулых гадоў. Амаль усе жыхары вёскі былі працаўнікамі гаспадаркі, а цяпер на  адпачынку.
Цёплая атмасфера гутаркі паступова перайшла да святочнага канцэрта з віншаваннем жыхароў вёскі. На пачатку мерапрыемства бібліятэкар распавяла гісторыю вёскі Булахі ад далёкіх часоў яе ўтварэння і да сучаснасці.  Старшыня сельскага савета Цярэшка Ф.І. звярнуўся да прысутных з прывітальным словам.На свяце амаль кожная сядзіба была адзначана падарункамі ад сельскага савета. Былі ўшанаваны   як самыя старэйшыя жыхары , так і самыя маладыя.

  Бібліятэкар  адзначыла самых актыўных чытачоў бібліятэкі – сям’ю Герасімёнкаў і  таксама  ўручыла ім  падарункі. Весела з песнямі,танцамі,  гумарам і смехам прайшло свята вёскі ў Булахах. Свята атрымалася сонечным і душэўным, і падаравала жыхарам вёскі і яе гасцям шмат незабываемых радасных момантаў і станоўчых эмоцый.