Міні-праект “Познанию мира нет преград” Глыбоцкай раённай арганізацыі Беларускага Чырвонага Крыжа рашуча кроча наперад. Кіраўнік праекта, валанцёр А. Зібарава ў чарговы раз сумесна з партнёрам -- Глыбоцкім гісторыка-этнаграфічным музеем, наведала сельскую бібліятэку. 

Практыка паказвае, што сустрэчы з людзьмі сталага ўзросту шчыра і па-сяброўску адбываюцца на тэрыторыі т.з. "трэццяга месца", гэта значыць не дома, не на рабоце, а ў бібліятэцы, якая для многіх сяльчан з'яўляецца месцам адпачынку.  

Так адбылося і ў Запрудскай бібліятэцы, куды завіталі з выяздной віртуальнай экскурсіяй “Святыні Глыбоцкага краю” Алена  Зібарава і супрацоўнік музея Аляксандар Хайноўскі. 

Першапачаткова А. Зібарава распавяла прысутным пра дзейнасць рэспубліканскай грамадскай арганізацыі "Беларускі  Чырвоны Крыж". Расказала пра праекты Глыбоцкай раённай арганізацыі, якія яднаюць людзей стала ўзросту, арганізоўваюць сумесны адпачынак, дапамагаюць ў пераадольванні жыццёвых бар'ераў.

На сустрэчу з незвычайным камп'ютарным абсталяваннем -- 3D-акуляры і новай формай экскурсіі прыйшлі даўнія сябры бібліятэкі -- Матвеева Т. С., Арэхава Л. А., Кажэка І. В., Леднік Д. П., Шарабайка Т. В., Такдзіді Л. Ф., Міхмель З. К., Селязень М. С., Рагацень Ж. І., Субач В. Н., Латышонак М. А.

Для іх віртуальная экскурсія стала яскравай падзеяй, бо праз сучасныя камп'ютарныя тэхналогіі яны далучыліся да цікавых старонак Глыбоцкай гісторыі.

Прыемным бонусам наведвальнікам стала прэзентацыя новага апавядання Валянціны Субач "Рабінавыя ночы", апублікованага ў часопісе "Я на пенсіі".  Бо пасля прэзентацыі яе кнігі "Журавінавае варэнне" вяскоўцы з нецярпеннем сталі чакаць новых твораў ад зямлячкі. 

Сустрэча, па традыцыі, завяршылася сумесным чаяпіццем з размовай пра жыццё.

Гаравая Г., бібліятэкар Запрудскай сельскай бібліятэкі