На бібліятэчны пікнік "Бывай, лета! Прывітанне, школа!" адправіліся юныя чытачы Запрудскай бібліятэкі Соня Шышко і Ягор Дайлідёнак, Кіра і Раман Барыла і інш. Ева і Амелія Сівіцкая нават заахвоцілі да пікніка і сваю бабулю Ганну Паўлаўну Іванову. Такім чынам яны вырашылі настроіцца на вучобу.

Развітанне з летам адбылося весела і творча. Дзеці ўзгадалі прачытаныя кнігі, адказалі на пытанні літаратурнай віктарыны, правялі громкія чытанні, агучылі вядомыя казкі.   А каб развітанне з летам не было самотным, бібліятэкар пачаставала верных сяброў бібліятэкі ласункамі. 

Запрудская бібліятэка і Дом фальклору на працягу лета былі для маленькіх жыхароў вёскі  месцам, дзе яны бавілі час з карысцю -- вывучалі мясцовы фальклор, народныя традыцыі, знаёміліся з кнігамі і часопісамі, былі артыстамі, вядучымі і ўдзельнікамі шматлікіх мерапрыемстваў.

Работнікі культуры ўпэўнены, што такім чынам у дзяцей фарміруюцца актыўная грамадзянская пазіцыя і такія патрыятычныя пачуцці, як любоў да Радзімы, павага да мінулага, зацікаўленасць ў сваім будучым.

 Г.Гаравая, бібліятэкар Запрудскай сельскай бібліятэкі