07.07.2021

22 чэрвеня 2021 года загадам Міністэрства культуры  Рэспублікі  Беларусь №97 зацверджаны вынікі XXIX Рэспубліканскага конкурсу «Бібліятэка – асяродак нацыянальнай культуры».

Конкурс праводзіцца штогод сярод публічных бібліятэк у два этапы (абласны і рэспубліканскі) па чатырох намінацыях: “За пошукавую і даследчую працу”, “За значны ўклад у выхаваўчую работу з падрастаючым пакаленнем”, “За падтрымку і развіццё чытання”, “За навацыі ў сферы бібліятэчнай справы”.

Па выніках ХХІХ конкурсу дыпломамі першай, другой і трэццяй ступені былі адзначаны 24 публічныя бібліятэкі, 5 бібліятэк прадстаўлены к заахвочванню.

 І, самае прыемнае. У намінацыі “За пошукавую і даследчую працу” першае месца сярод гарадскіх і раённых бібліятэк  прысуджана Глыбоцкай цэнтральнай раённай бібліятэцы за пошукавую і даследчую працу па вывучэнні гісторыі ўзнікнення і станаўлення перыядычнага друку на тэрыторыі Глыбоцкага краю і стварэнне даведачнага выдання “Перыядычны друк Глыбоччыны (1924-2020 гг.), які падрыхтавала бібліятэкар аддзела бібліятэчнага маркетынгу  Ізаітка Марына.

Гэта першае асобнае  даследванне, якое асвятляе гісторыю ўзнікнення перыядычнага друку на Глыбоччыне, дае дакладную і поўную бібліяграфічную інфармацыю пра мясцовыя газеты і часопісы, удакладняе інфармацыю аб персаналіях, звязаных з выдавецкай дзейнасцю. У дапаможніку ахарактарызаваны 24 выданні, прыводзяцца цікавыя звесткі з пункту гледжання гісторыі, ідэалагічнага зместу і масавасці.

Выданне будзе цікава гісторыкам, краязнаўцам ,бібліятэчным супрацоўнікам,спецыялістам органаў друку і сродкаў масавай інфармацыі,выкладчыкам. студэнтам, а таксама ўсім, хто цікавіцца  працэсам развіцця перыядычнага друку Беларусі.

Віншуем з перамогай!