Бібліятэкі, як і ўсе культурныя ўстановы раёна,  рыхтаваліся да зімовых святаў: упрыгожвалі памяшканні, ставілі навагоднія ёлкі, праводзілі цікавыя мерапрыемсты, тым самым паднімалі настрой у насельніцтва.  

У Дзеркаўшчынскай бібліятэцы на абанеменце дзейнічала выстава-  вернісаж  “Зімовая паэзія”. Амаль кожны  юны наведвальнік бібліятэкі можа з ёй азнаёміцца. На паліцах прадстаўлены  дзіцячыя  кнігі розных аўтараў з вершамі пра зіму.

У дзіцячым гульнявым пакоі аформлена рэтра-выстава навагодніх паштовак  “Поздравления с прошлого”. Выстава стваралася пры падтрымцы  чытачоў.  На выставе прадстаўлена 140 паштовак розных гадоў, самая даўняя  - 1965 года выдання. Чытачы старэйшага ўзросту з задавальненнем і настальгіяй разглядваюць выставу. Паступілі прапановы  ад наведвальнікаў афармляць такія выставы паштовак і да іншых свят.

Неардынальна падышлі да афармлення сваіх памяшканняў бібліятэкары Шунеўскай,  Івесьскай, Ломашаўскай, Удзелаўскай, Мнюцкай, Падсвільскіх г.п. і дзіцячай бібліятэк.