У Шунеўскай сельскай бібліятэцы адбылася прэзентацыя выставы “Застаўся ў сэрцы вечны след вайны”,прымеркаваная да 75-годдзя вызвалення Беларусі ад нямецка-фашысцкіх захопнікаў. Бібліятэкары пазнаёмілі дзяцей з творамі як дакументальнага, так і мастацкага характару, прысвечаныя Вялікай Айчыннай вайне. Таксама на выставе былі прадстаўлены краязнаўчыя матэрыялы пра глыбачан, удзельнікаў Вялікай Айчыннай вайны, пра помнікі загінуўшым у гады вайны зямлякам, пра герояў, у гонар якіх названы вуліцы ў Глыбокім і інш. Папка “Удзельнікі Вялікай Айчыннай вайны ” прысвечана ветэранам-землякам і іх успамінам.
Праз раздзелы выставы “Горкі час роднай зямлі”, “Іх подзвіг жывы і непаўторны”, “Старонкі гэтых кніг – гісторыя вайны”, “Гэта памяць не згасне ў народзе” пазнаёміліся з кнігамі М.Г. Нікіціна “Шаги Великой Победы. Освобождение Беларуси”, якая прысвечана 75-годдзю вызвалення Беларусі ад нямецка-фашысцкіх захопнікаў,Т. Падаляк “Вайна – самы страшны грэх” і “Нашчадкі вогненных вёсак”, складзеных з нарысаў, эсэ, успамінаў тых, хто прайшоў праз гэтае ліхалецце. Зацікавілі юных чытачоў і кнігі Б.Д. Далгатовіча “А вместо детства была война”, прысвечанай дзецям Вялікай Айчыннай вайны і “Шли по войне девчата”, якая расказвае пра подзвіг жанчын у гады вайны і пра Герояў Савецкага Саюза санінструктара Зінаіду Тусналобаву-Марчанка і сувязістку Алену Стэмпкоўскую.
Не абыйшлі ўвагай і кнігу “Дзяцінства, апаленае вайной”, якая складаецца з успамінаў саміх ветэранаў вайны і матэрыялаў пошука чырвоных следапытаў аб юных падпольшчыках, партызанах, сынах палкоў – тых, хто нарадзіўся і змагаўся з ворагам на тэрыторыі Віцебскай вобласці.
Пасля знаёмства з выставай дзецям было прапанавана намаляваць сваю маленькую радзіму, мірнае неба, сваё шчаслівае дзяцінства.
Завяршылася сустрэча сцвярджэннем,што мы не павiнны забываць пра жахi вайны, смерць i пакуты мiльёнаў людзей. Помнiць аб вайне, гераiзме i мужнасцi тых, хто змагаўся з ворагам i выратаваў ад фашысцкага нашэсця Радзiму - гэта значыць, змагацца за мiр. Гэта абавязак усiх, хто жыве на зямлi.
23 красавіка 2019г. заг. бібліятэкі І.Ф. Нікіфаровіч