16 лютага 2024 года ў Глыбоцкай цэнтральнай раённай бібліятэцы адбылася гадзіна патрыятызму «Афганистан… Дни ушедшие в вечность», якая прысвячалася 35-годдзю вывада савецкіх войск з Афганістана.

На мерапрыемства былі запрошаны навучэнцы сярэдняй школы №2 горада Глыбокае. З прэзентацыі, якую падрыхтавалі супрацоўнікі бібліятэкі вучні даведаліся аб той страшнай, жудаснай вайне, пра патрыятызм і мужнасць савецкіх салдат і афіцэраў, якія выконвалі свой воінскі абавязак з пачуццём адказнасці за абарону паўднёвых межаў вялікай на той час краіны СССР.

Дакументальны фільм “Афганістан”, які паглядзелі на адным дыханні, падкрэсліў мужнасць простых салдат. Частка фільма была прысвечана воінам-інтэрнацыяналістам, ураджэнцам Глыбоцкага раёна, якія загінулі у полымі той вайны.

На прыканцы мерапрыемства ўдзельнікам была прапанавана віктарына на дадзеную тэму. З пачуццём вялікай адказнасці вучні адказвалі на пытанні, паказалі высокі узровень ведаў. З вялікай увагай пазнаёміліся з кніжнымі выданнямі, фотаздымкамі, дакументамі, прадстаўленымі на кніжнай выставе.

Юркевіч Ж.Б., бібліятэкар аддзела абслугоўвання