У рамках рэспубліканскага праекта “Кожная пятніца – роднае сваё!” у Карабоўскай сельскай бібліятэцы-клубе было вырашана замест традыцыйнай гутаркі пра кнігі і прачытанае пачытаць вершы. Замест празаічнай руціны адбылося вершаванае святкаванне духа.

Некаторыя госці бібліятэкі выбралі класіку - Купалу, Коласа, а некаторыя адкрылі для сябе новых аўтараў. Гучна і пранікліва сіла роднага слова адчувалася ў кожным радку. Дзякуй усім, хто далучыўся і падтрымаў гэтую ідэю!

Найбольш прыгожа і эмацыянальна прачытала байку К. Крапівы "Дзіця, Вожык і Змяя" Дар'я Ермаковіч. 

Захаванне мовы - гэта модна і важна. Прыемна, што шмат людзей далучаюцца да гэтага руху і падцвярджаюць, што родная мова жыве ў кожным з нас! Мы чытаем на ёй, натхняемся ёю  і з нецярпеннем чакаем наступнай пятніцы!