23 студзеня супрацоўніца Глыбоцкай дзіцячай бібліятэкі прыйшла ў госці да вучняў 3 “Б” класа Глыбоцкай раённай гімназіі з гульнёй-падарожжам “Казка ў госці да нас прыйшла”.

 “Падарожжа” па беларускіх казках мела свае прыпынкі: ”Пачынае казка казацца”, “Казачная карцінная галерэя”, “Казачная пошта”, ”Казачны канцэрт”, “Казачны абед”, “Прагулка па казачным царстве”.

 Пад час мерапрыемства дзеці адгадвалі назвы казак, успаміналі яе аўтараў і галоўных герояў. Вучні прыгадвалі, хто ў якой казцы што спяваў і якой ежай частаваўся.
З вялікім захапленнем школьнікі самі ўголас чыталі казку “Чорт і падчарыца”.
У заканчэнні дзецям быў прапанаваны прагляд мультфільма “Піліпка”.

Мерапрыемства ўсім вельмі спадабалася. Хлопчыкі і дзяўчаты паабяцалі часцей наведваць нашу дзіцячую бібліятэку, каб праз кнігі знаёміцца з жыццём продкаў, бо сучасны чалавек не можа існаваць без ведаў гісторыі сваёй краіны.

Бібліятэкар Глыбоцкай дзіцячай бібліятэкі  Багацкая М. В.