У Падсвільскай гарпасялковай бібліятэцы адбыўся юбілейны калейдаскоп “Сузор’е творчых лёсаў”, прысвечаны пісьменнікам – юбілярам 2022 года.
Сярод узгаданых імен беларускіх літаратараў -- Максім Танк, 110-годдзе якога адзначае літаратурная супольнасць Беларусі. З маладзейшых -- юбілейнае 75-годдзе Георгія Марчука і Алеся Жука, пісьменнікаў, складаючых гімн беларускай вёсцы. Бібліятэкары распавялі пра творчыя і жыццёвыя лёсы пісьменнікаў-юбіляраў, зрабілі агляд кніг, прадстаўленых на выставе.
Асноўны пасыл бібліятэкараў быў такі: чытайце і перачытвайце кнігі нашых пісьменнікаў бо акрамя нас, беларусаў, іх чытаць ніхто не будзе!
