Напярэданні навагодніх свят і каляд Удзелаўская бібліятэка штогод мяняецца: кампазіцыі з выцінанак на вокнах, сняжынкі, мішура, прыгожыя ялінкі, гномікі і іншыя казачныя героі сустракаюць наведвальнікаў бібліятэкі і дораць ім святочны настрой.
У гэтым годзе наведвальнікаў сустракае цікавая выстава “В гостях у Мышки”. Гаспадыня 2020 года запрасіла да сябе сяброў. Прыгожая мышка з вялікім тортам, чайнікам сабрала разам вожыка і коціка, слонікка і індыка! На стале – свечкі і анёл-ахоўнік.
Самае цікавае што і мышка і яе сябры зроблены са старых кніг!
Такія незвычайныя папяровы вырабы створаны крапатлівымі рукамі Алены Згірскай. Сустрэўшы ў інтэрнеце выраз “Не выкідвайце старых кніг!”, Алена Антонаўна ўзялася за справу і вось вынік.
Упрыгожвае інтэр’ер бібліятэкі і выстава-свята “Навагодняя феерыя”. Літаратура, прадстаўленая на выставе, дапаможа падрыхтавацца да зімніх святкаў, выбраць верш альбо песню, завочна пабываць у рэзідэнцыі Дзеда мароза.
Наша бібліятэка віншуе ўсіх з наступіўшым Новым 2020 годам!
Жадаем чытачам поспехаў ва ўсіх справах!
Пачніце гэты год з чытання любімай кнігі.
Чакаем вас!
Шымко В.М., бібліятэкар Удзелаўскай сельскай бібліятэкі
10.01.2020 г.
