У Псуеўскай бібліятэцы ўвазе юным наведвальнікам прадстаўлена кніжная выстава-рэкамендацыя “Кніжная эстафета сонечнага лета”. Адкрыццё выставы прайшло ў форме гульні-падарожжа “Героі кніг” і “Горад казак”, з вялікай цікавасцю удзельнічалі ў конкурсах і віктарынах “Казачная краіна”, “Збяры мазаіку”, “Угадай казку”.
Дзеці расказвалі пра тое, якія творы ў іх самыя любімыя, адгадвалі загадкі аб казачных героях, успаміналі прыказкі і прымаўкі аб кнігах. Кніжная выстава будзе экспанавацца на абанеменце бібліятэкі на працягу летніх канікул і паслужыць падмогай чытачам дашкольнага, малодшага і сярэдняга ўзросту пры выбары літаратуры.
Міжнародны дзень барацьбы з наркаманіяй у бібліятэцы быў адзначаны гутаркай-перасцярогай “Жыццё вартае таго, каб жыць”, падчас якой падлеткі прынялі актыўны ўдзел у абмеркаванні гэтай тэмы. Шукалі рашэнні, як адмовіцца ад наркотыкаў, разказвалі пра небяспеку наркатычных прэпаратаў, пра метады барацьбы з наркаманіяй у розных краінах свету і ў нас, у Беларусі. Удзельнікі выказалі сваё негатыўнае стаўленне да гэтага дурману і зрабілі для сябе выснову, што толькі здаровы лад жыцця можа стаць надзейным шчытом ад дрэннай звычкі і праглядзелі літаратуру на гэтую тэму.
Бібліятэкар Паўлоўская Г.М.
