У Падсвільскай гарпасялковай бібліятэцы прайшла сустрэча, прымеркаваная да году народнага адзінства, “Твая зямля, твая Радзіма названа светла – Беларусь!”
2021-ы абвешчаны Годам народнага адзінства. Такое рашэнне прынята, каб з’яднаць беларускі народ на аснове ідэй суверэнітэту і незалежнасці Беларусі. У нашай краіне на працягу стагоддзяў побач жывуць прадстаўнікі розных нацыянальнасцяў, рэлігій і культур. Нас звязвае агульная гісторыя. Таму ў розныя часы, толькі аб’яднаўшыся ў адзіную сілу, нашы продкі маглі адстойваць свае межы, сваю тэрыторыю, сваю краіну.
На сустрэчы бібліятэкары нагадалі гасцям, вучням мясцовай школы, амаль стогадовую гісторыю паселка. Былі ўзгаданы яго адметнасці, выдатныя асобы краю.
Падсвілле, як і ўся Беларусь, прашло праз гістарычныя віхуры. Але пасёлак вытрымаў выпрабаванні дзякуючы сваім людзям, якія вераць ў будучыню.
Сярод знакамітых людзей падсвільшчыны быў узгаданы Язэп Драздовіч. Імя якога разам з імем Марка Шагала ўключана ў кнігу “100 мастакоў міру”.
Творчасць нашага земляка, ураджэнца в.Пунькі, што непадалек ад Падсвілля, мае сваіх паслядоўнікаў на Глыбоччыне. Маляваныя дываны народнага майстра Святланы Скавырка ўвайшлі у спіс нематэрыяльных гісторыка-культурных каштоўнасцяў Беларусі.
А майстар-клас па мастацкім роспісу аб'яднаў школьнікаў і бібліятэкараў у адным творчым парыве. Што яшчэ раз падцвердзіла — прыгажосць выратоўвае і яднае людзей і народы!
Яцкоўская С.П., заг. Падсвільскай горпасялковай бібліятэкі
02.09.2021.
