3 ліпеня 2021 года ў рамках святкавання Дня Незалежнасці Рэспублікі Беларусь у Парку Паэзіі адбылася паэтычная арт-сустрэча “Свой родны край у вершах славім”, якую зладзілі супрацоўнікі Глыбоцкай цэнтральнай раённай бібліятэкі.
На нашай спеўнай беларускай зямлі жыве шмат жанчын-паэтэс, якія атрымалі ў рукі божую іскарку паэтычнага дару. На сустрэчу завіталі майстры паэтычнага слова Глыбоччыны Зоя Наваенка, Марына Бука, Валянціна Пятроўская. У кожнага з іх свой шлях у паэзію, але іх аб’ядноўвае адно – любоў да Радзімы, месца ,дзе яны нарадзіліся і выраслі.
На сустрэчы гучалі аўтарскія песні ў выкананні Валянціны Пятроўскай, якія прыйшліся да спадобы гледачам. Сардэчна прымалі прысутныя выступленні навучэнцаў Глыбоцкай дзіцячай школы мастацтваў Арцёма Бірука і Аляксея Зайкоўскага.
