Майскае пасяджанне клуба “Духоўны прыстанак” прайшло ў форме гадзіны  беларускай паэзіі духоўнай тэматыкі “Ці вера прачнулася ў нас, ці загаварыла сумленне?”. На пачатку прысутныя пазнаёміліся з творчасцю і жыццёвым шляхам  Алега Бембеля (ён жа Зьніч, сын  знакамітага беларускага скульптара і Народнага мастака Беларусі Андрэя Бембеля, зараз старэйшы манах Жыровіцкага манастыра  Іаан) . Затым бібліятэкар  прапанавала  агляд зборніка  “Бацькаўшчына”, які выдадзены да 200-годдзя хрысціянства.  Найбольш пранікнёныя творы  былі гучна прачытаны.  Акцэнт зроблены на зборніку В.Лукшы  “І родны дом, і цэлы свет”. Завяршылася  мерапрыемства прафесійным чытаннем у віртуальным рэжыме верша У.Караткевіча “На Беларусі Бог жыве”.

       Рэхам падзеі стаў успамін аб наведванні ўдзельнікамі клуба прыстольнага Свята Свяціцеля Мікалая  ў вёсцы Калінавае (больш звыклае Блошнікі) Міёрскага раёна 22 мая 2023 года. Ад чарговай сустрэчы з унікальным храмам і яго прыветлівымі прыхаджанамі засталіся светлыя, узнёслыя пачуцці.

                     Бібліятэкар           В.І.Бурэнь