Напрыканцы лютага ў Глыбоцкую дзіцячую бібліятэку былі запрошаны дзеці з святліцы “Дзеці Марыі”, якая дзейнічае пры касцёле “Святой Тройцы”. Іх ўвазе была прапанавана пазнавальна-забаўляльная гадзіна “Я хочу сказать “Спасибо”, прымеркаваная да Міжнароднага свята “Спасибо”. Гэта свята заклікана нагадаць людзям аб каштоўнасці добрых манер.
Дзеці пазнаёміліся з гісторыяй узнікнення свята, даведаліся аб цікавых фактах, звязаных са словам “спасибо” і аб тым, як прынята дзякаваць у розных краінах свету. Часам ўдзячнасць выяўляецца не толькі словамі, але поглядам і ўсмешкай. Так, у арабскіх краінах за частаванне дзякаваць не прынята – гэта забаронена этыкетам. А вось сказаць “спасибо” за гасціннасць патрэбна. Таксама даведаліся аб тым, што Нью-Йорк лічыцца самым ветлівым з 42-х вялікіх гарадоў свету, а Масква ў гэтым рэйтынгу на 30-м месце. Паўдзельнічалі ў разнастайных конкурсах, рухомых гульнях, сумесна аформілі міні-стэнд са словам “Спасибо” на розных мовах. Настрой святочнай сустрэчы падтрымлівалі музычныя нумары.
Андрыеўская Т.І., заг. дзіцячай бібліятэкі/