У Дзеркаўшчынскай бібліятэцы з вучнямі 4-6 класаў адбыўся займальны ўрок “Заглянем в мир животных”, прымеркаваны да Сусветнага дня аховы жывел.
Мэта мерапрыемства - пазнаёміць дзяцей з разнастайнасцю жывёльнага свету Беларусі, навучыць школьнікаў беражлівым адносінам да навакольнага асяроддзя і яе насельнікаў.
Бібліятэкар расказала аб жывёльным свеце і іх значэнні ў развіцці прыроды. Было расказана аб ахове жывёл у Беларусі па кнізе В. Гардзея “Малая дзіцячая Чырвоная кніга”.
Школьнікі пазнаёміліся з цікавымі маляўнічымі выданнямі аб жывёльным свеце -- І. А. Крышчука “Животные леса”, А. Наварыча “Звери”, І. Балоціна “Дзіцячы атлас Беларусі. Звяры”, часопісам “Родная прырода” і інш.
Дзеці падзяліліся ўласнымі ведамі аб сусветнай фауне, узгадалі цікавыя факты з жыцця жывёл. Спадзяёмся, што ўсе ўдзельнікі мерапрыемства будуць беражліва ставіцца да жывёл і навакольнага асяроддзя.
11 кастрычніка 2022 г.
Заг. Дзеркаўшчынскай бібліятэкі В. В. Бука.
