У Глыбоцкай дзіцячай бібліятэцы адбылося мерапрыемства – біблія- мікс “День Солнца празднует планета”. Для вучняў 3 “А” класа СШ№2 была падрыхтавана прэзентацыя “Пусть всегда будет солнце”, з якой дзеці даведаліся, што сабой уяўляе сонца, яго роля для жыцця планеты і чалавека, якую карысць прыносіць сонечная энергія. Таксама новымі для іх былі паняцці “фотасінтэз” і яго значэнне, “ультрафіялет” – карысць і шкода для чалавека.
Праверыць свае веды вучні маглі на аўкцыёне “Сонечны букет” і загадкавым конкурсе “Сонейка і ўсе, і ўсё”.
На “Літаратурнай хвілінцы” дзеці прачыталі апавяданне К.Д. Ушынскага “Вецер і сонца”, дзе паразважалі , што дабрыня, як сонейка, робіць людзей мацнейшымі, а ўсё наваколле- цяплейшым і лагаднейшым.
На выставе “Звезда по имени Солнце” былі прадстаўлены кнігі-энцыклапедыі па тэме космаса, а таксама мастацкая літаратура.
Напрыканцы занятка дзеці атрымалі памяткі “Правільныя паводзіны на прыродзе”.
Падчас сустрэчы гучалі песні пра сонейка, кліпы і мультфільмы.Галоўны вывад мерапрыемства: сонейка - гэта не толькі энергія, святло, цяпло, але і мір на зямлі.
Бібліятэкар Трапук М. Г.
