У Празароцкай сельскай бібліятэцы прайшлі бібліятэчныя пасядзелкі “Судьбы моей простое полотно…”.
Гэта была сустрэча з цудоўнымі жанчынамі! Гаравец Тамара Іванаўна, Рагоўская Феліцыя Антонаўна, Сідаронак Ія Алегаўна, Леантовіч Вера Антонаўна, Булах Людміла Пятроўна, Фурс Марыя Віктараўна, Кісель Валянціна Іванаўна, Баранчук Алена Віктараўна, Юркевіч Наталля Баляславаўна, Зубко Наталля Леанідаўна - верныя сябры бібліятэкі і шчырыя аматары чытання!
Разам з тым пасядзелкі сталіся і адкрыццём. Бо гучалі шчырыя споведзі і цікавыя жыццёвыя гісторыі гасцёй бібліятэкі... Многія з жанчын раскрыліся як аматары паэзіі і яны чыталі лірычныя вершы і жыццярадасныя гумарэскі. Іншыя падзяліліся смачнымі кулінарнымі рацэптамі і карыснымі жыццёвымі парадамі.
У выніку - атрымалася задушэўная размова.
Добра дапоўнілі мерапрыемства выстава-прысвячэнне “Восславим женщину” і выстава вырабаў мясцовых умельцаў “Падарункі для жанчын”.
Па ўсім было бачна, што ў Празароках жывуць няўрымслівыя, неабыякавыя людзі – спраўныя гаспадыні і таленавітыя майстрыхі, якія ўмеюць смачна гатаваць, адмыслова шыць, прыгожа вязаць і вышываць.
Усё гэта зрабіла наша мерапрыемства змястоўным, цікавым і прыгожым.
