Супрацоўнікі цэнральнай раённай бібліятэкі падрыхтавалі віртуальнае падарожжа "Как встречают Новый год люди всех земных широт". На мерапрыемства былі запрошаны выхаванцы дома сямейнага тыпу з вёскі Петрунова і ўдзельнікі літаратурна-музычнай гасцёўні “Сустрэчы для душы”.
Спачатку госці наведалі Глыбоцкую дзіцячую бібліятэку, дзе ім была прапанавана змястоўная і цікавая экскурсія. Дзеці даведаліся, як размяшчаецца літаратура на стэлажах, з задавальненнем пазнаёміліся з цікавымі і разнастайнымі выставамі. Многія пажадалі выбраць кнігі для сябе, былі запісаны ў бібліятэку і выказалі пажаданне ў хуткім часе зноў наведаць бібліятэку для абмена кніг.
Затым у актавай зале, у святочнай атмасферы, прайшло само мерапрыемства. З дапамогай відэпапрэзентацыі пазнаёміліся з навагоднімі традыцыямі розных краін. Даведаліся пра гісторыю ўзнікнення традыцыі святкаваць Новы год, пра шматлікія легенды, абрады гэтага свята.З вялікай ахвотай адказалі на пытанні літаратурнай віктарыны, якая закранула навагоднюю тэму ў казках і мультфільмах.
Удзельнікі літаратурна-музычнай гасцёўні “Сустрэчы для душы” ўручылі дзецям салодкія падарункі і выказалі пажаданне і надалей сустракацца разам у такой цеплай, сямейнай атмасферы!