У дальних посёлков и близких,
Без надписей четких и дат
В neчальном строю обелиски
Сурово молчанье хранят
Леонид РАШКОВСКИЙ

У парку вёскі Бабічы, непадалёку ад будынку праўлення СВК “Залатая падкова” знаходзіцца помнік .землякам, загінуўшым у гады Вялікай Айчыннай вайны.

Высокі абеліск вянчае зорка, па баках – выява ордэна Перамогі і мармуровыя пліты. Надпіс «Вечная слава павшим в боях за освобождение нашей Родины» і імёны 64-х землякоў, якія ў барацьбе з фашысцкімі захопнікамі загінулі смерцю адважных, — сімвалізуюць вечнае жыццё гэтых аднавяскоўцаў ў памяці жывых і ў летапісе гісторыі вёскі. 

Помнік адкрыты ў верасні 1967 года.

Літаратура: Карповіч, В. Будзем верна несці іх сцяг / В.Карповіч // Шлях перамогі.- 1967. - 16 верасня. 

  На паўднёва-ўсходняй ускраіне вёскі Пятроўшчына, побач з дарогай Глыбокае - Браслаў, размешчана архітэктурная кампазіцыя ў памяць згінуўшых савецкіх воінаў і землякоў.  

Кампазіцыйным цэнтрам скульптурна-архітэктурнага ансамбля з'яўляецца гранітны валун, на якім – асіметрычная барэльефная выява савецкага воіна.

Справа ад валуна – мемарыяльная стэла з імёнамі 48 жыхароў Пятроўшчына і іншых вёсак былога калгаса «Перамога», якія загінулі на франтах Вялікай Айчыннай вайны і ў партызанскай барацьбе супраць нямецка-фашысцкіх захопнікаў.

На стэле надпіс: “Вечная памяць воинам-землякам колхоза “Победа” Глубокского района, отдавшим свою жизнь за честь, свободу и независмость нашей Родины в борьбе с немецко-фашистскими захватчиками в Великой Отечественной войне 1941-1945 гг.”

 Перад помнікам-валуном знаходзіцца магіла двух невядомых воінаў Савецкай Арміі, якія загінулі пры вызваленні вёскі Пятроўшчына ў ліпені 1944 г.

На магіле пліта з надпісам “Здесь похоронены 2 неизвестных солдата, погибших в бою с фашистскими захватчиками в июле 1944 года. Имя твоё неизвестно, подвиг твой бессмертен”. На помніку шыльда “Воінскае пахаванне № 4071”.
Ансамбль узведзены ў 1968 г. У 2004 годзе быў рэстаўрыраваны.
 Крыніца: Грыбун, У. Вечная слава  / У. Грыбун // Шлях перамогі.- 1969.- 5 чэрвеня.

На грамадскіх могілках вёскі Майсюціна знаходзіцца індывідуальная магіла малодшага сяржанта Вешкава (Вершкова) Міхаіла Іванавіча, 1925 г.н., які загінуў у баі 7 ліпеня 1944 г. 

Стэла ўстаноўлена ў 1984 г.
На ёй змешчаны фотаздымак Вешкава М.І. і шыльда “Воінскае пахаванне № 2195”.пом